दुई अपाङगले १० वर्षमा १० हजार रूख रोपे

दुई अपाङगको कथामा आधारित बलिउडमा करिब ५० वर्ष पहिले एउटा श्यामश्वेत फिल्म बनेको थियो, जसको नाम ‘दोस्ती’ थियो। तर यस्तै कथा आज पनि जीवित छ र सत्य पनि। चीनमा एक व्यक्ति छन्, उनको दुवै आँखा छैन र अर्का व्यक्ति जसको दुवै हात छैन तर दुवै मित्र हुन्। उनीहरूबीच पछिल्लो १० वर्षदेखि मित्रता छ । कथा यत्तिमैं समाप्त हुँदैन। उनीहरूले आफ्नो मित्रताको लागि गजबको नमुना पेश गरेका छन् । पछिल्लो १० वर्षमा अन्धो र अपाङग मित्रद्वयले १० हजार रूख रोपेका छन्।
अन्धोको नाम जिआ हैजिआ र हात नभएकाको नाम जिआ वेनकी हो। उत्तरपूर्वी चीनको येली गाउँ कुनै बेला उजाड थियो, तर यी दुई मित्रको प्रयासबाट अहिले हराभरा भएको छ। यसको लागि उनीहरूले ८ एकड जमिन सरकारसँग लिजमा लिए र बिरुवा रोप्ने कार्य शुरु गरे। पर्यावरण स्वच्छताको साथसाथै उनीहरूको एउटा अर्को उद्देश्य पनि थियो, गाउँलाई बाढीबाट जोगाउने। हैजियाको जन्मदेखि नै एउटा आँखा अन्धो थियो भने अर्को आँखा ठीक
थियो । तर काम गर्दागर्दै सन् २००० मा उनको दोस्रो आँखा पनि गुम्यो।
तर वेनकीले भने जब उनी ३ वर्षका थिए, उनले दुर्घटनामा परेर दुवै हात गुमाउन पुगे। –एजेन्सी

Share this article :

Share on FB Tweet Share on G+ Submit to Digg